An rufe Jami'ar Jihar Plateau bayan mutuwar wani ɗalibi

An rufe Jami'ar Jihar Plateau bayan mutuwar wani ɗalibi


Jami’ar Jihar Filato, da ke Bokkos, ta dakatar da dukkan harkokin koyarwa a makarantar har na tsawon kwanaki goma, bayan wani hari da aka kai da ya hallaka wani ɗalibi.

Ɗalibin wanda ke matakin aji biyu (200 level) a fannin kimiyyar na'ura mai kwakwalwa ya gamu da ajalinsa ne ranar Juma'a a harin da wasu suka kai harabra jami'ar.

Wani malamin jami'ar, Yakubu Ayuba, a wata sanarwa da ya fitar a ranar Asabar, ya ce, “Bayan wani abin bakin ciki da ya faru a jami’ar Jihar Filato, Bokkos, da kewaye a ranar Juma’a, 19 ga Afrilu, 2024; kuma bisa la’akari da illolin da wannan al'amari zai yi wa ɗalibai da ma’aikatan jami’ar, hukumar gudnarwa ta ɗauki matakin rufe jami’ar na tsawon kwanaki 10 daga ranar 19 ga Afrilu, 2024.

Yakubu ya ce an yi haka ne don ba da dama na ganin yanayin tsaro ya inganta a jama'ar.

"Don haka, an dakatar da jarabawar zangon karatu na farko da ake ci gaba da yi, inda za a koma rubuta ta ranar Alhamis 2 ga watan Mayu, 2024," in ji shi.

Bugu da kari, jami'ar ta kuma samar da motocin bas don kai ɗaliban da za su maƙale zuwa Barikin Ladi.

Idan za a iya tunawa, a ranar Juma'a ne, wasu ‘yan bindiga suka kai hari a kauyukan Mangu da Bokkos inda aka ce an kashe mutane 15 a yankunan.

Comments

Popular posts from this blog

An ga watan Azumin Ramadan a Saudiyya

Tinubu zai jagoranci taron yaƙi da ta'addanci na Afirka a Abuja

Yadda wani almajiri ya fille wa ɗan shekara shida kai a Kano