Tsokaci

  Ana fargabar wani gini mai hawa biyu da ya ruguje ya faɗa kan wasu magina da ake aikin gini a yankin Kuntau da ke ƙaramar hukumar Gwale a jihar Kano. Wata majiya ta tabbatar wa BBC cewa ginin ya rufta kan magina fiye da 15. Tuni dai masu aikin ceto suka fara zaƙulo mutanen da suka maƙale a ginin. Zuwa lokacin da BBC ta yi magana da majiyarta, an zaƙulo mutum uku sai dai ɗaya a cikinsu ya mutu yayin da biyun ke cikin mawuyacin hali. Kawo yanzu dai ba a tantance adadin mutanen da ibtila'in ya rutsa da su ba. Article share tools View more share options Share this post Copy this link Karanta karin bayanai kan wannan mashigin

😳   O Copyright: FACEBOOK/MUHUYI MAGAJI RIMIN GADO Babban sufeton ƴan sandan Najeriya, Kayode Egbetokun ya janye ƴan sanda kimanin 40 da ke samar wa hukumar karɓar ƙorafe-ƙorafe da yaƙi da rashawa ta jihar Kano tsaro. Matakin ya zo ne bayan binciken badaƙalar kuɗi da hukumar, ƙarƙashin jagorancin Muhuyi Magaji Rimin Gado take yi kan shugaban jam'iyyar APC ta ƙasa kuma tsohon gwamnan jihar Kano, Abdullahi Umar Ganduje. Jaridar Daily Nigerian ta ruwaito cewa babban sufeton ƴan sandan ya bayar da umarnin janye ƴan sandan ga kwamishinan yan sanda na jihar Kano, Usaini Gumel. Wata majiya da jaridar ta ruwaito ta ce wasu cikin ƴan sandan suna taimaka wa hukumar ta yaƙi da rashawa a Kano a binciken da take yi tare da samar da tsaro ga hedikwatar hukumar da sauran dukiyoyin da ake bincike a kansu. Article share tools View more share options Share this post Copy this link Karanta karin bayanai kan wannan mashigin