Yadda gwamnatin jihar Katsina ta rarraba wa jami'an tsaro motocin yaƙi

-

 

Motocin yaƙi da gwamnatin jihar Katsina ta raba

ASALIN HOTON,KATSINA STATE GOVERMENT

  • Marubuc
  • Sanya sunan wanda ya

Gwamnatin jihar Katsina ta rarraba motocin yaƙi ga jami'an tsaro domin shawo kan matsalar tsaro a ƙananan hukumomin da aka fi fuskantar hare-haren ƴanbindiga.

Gwamnan jihar Katsina Mallam Dikko Ummaru Radda ne ya ƙaddamar da rabon motocin a ranar Litinin.

Kwamishinan tsaro da harkokin cikin gida na jihar ta Katsina, Dakta Nasiru Mu'azu ya shaida wa BBC cewa sun yi la'akari ne da halin da ake ciki, kuma ita wannan mota mai sulke na taimaka wa wajen yaƙin da suke da ƴan bindiga.

Gwamnatin ta jihar Katsina ta rarraba motocin guda 10 ne ga jami'an tsaro na ƴan sanda da sojoji da kuma ƴan sa-kai da gwamnatin ta dauka a kwanakin baya domin taimakawa wajen yaƙi da ƴan bindiga a jihar."

Motocin yaƙi da gwamnatin jihar Katsina ta raba

ASALIN HOTON,KATSINA STATE GOVERMENT

Gwamnan jihar Katsina da jami'ansa

ASALIN HOTON,KATSINA STATE GOVERMENT

Dakta Mu'azu ya ce ƙananan hukumomin da aka ba motocin sun hada da Jibiya da Safana da Ɗanmusa da Ƙanƙara da Batsari da Faskari da Ɗandume da kuma Sabuwa, "lokacin da muka zo bisa mulki ƙananan hukumomi 23 ne ke fuskantar matsalar tsaro, amman yanzu wadannan ƙananan hukumomin ne kawai suka rage sai kuma Kurfi da ita ma muke ƙoƙarin dakile lamarin da ya soma faruwa."

Kwamishinan ya ce daman ƙananan hukumomin na da irin wadannan motoci, kawai ƙari ne aka yi masu saboda a ƙara samun cigaba wajen ƴakin da ake da ƴanbindiga.

Jihar Katsina dai na daya daga cikin jihohin arewacin Najeriya da ke fama da matsalar tsaro musamman ta ‘yan fashin daji wadanda ke kai hare-hare garuruwa da kauyukan jihar baya ga satar mutane don neman kudin fansa da kuma sace dukiyoyin mazauna yankin.

Location: Nigeria

Comments

Post a Comment

Popular posts from this blog

An ga watan Azumin Ramadan a Saudiyya

-
Image
Kasar Saudiyya ta bayar da sanarwar ganin watan Azumin Ramadana. Shafin X na Masallatan Harami biyu masu daraja ne ya bayyana hakan a wani sako da ya wallafa. Ganin watan ya sa gobe Litinin za ta zama 1 ga watan Ramadan na shekarar 1445, wanda ya zo daidai da 11 ga watan Maris ɗin 2024. Hukumar Masallatan ta sanar da cewa a daren yau ne za a fara gabatar da Sallar Asham, inda Sheikh Sudais da Sheikh Badr Al Turki da kuma Al Waleed Al Shamsaan za su jagorance ta a Masallacin Harami na Makkah, yayin da Sheikh Muhammad Barhaji da Abdul Muhsin Al Qasim za su jagoranci sallar a Masallacin Manzon Allah SAW na Madina.
Read more

Tinubu zai jagoranci taron yaƙi da ta'addanci na Afirka a Abuja

-
Image
Shugaban Najeriya Bola Tinubu zai buɗe  taron yaƙi da ta'addanci na Afirka da za a gudanar a Abuja fadar gwamnatin ƙasar. Cikin wata sanarwa da mai magana da yawun shugaban na Najeriya, Ajuri Ngelale ya fitar, ya ce taron - wanda Najeriya da haɗin gwiwar ofishin yaƙi da ta'addanci na Majalisar Dinkin Duniya suka shirya - za a fara shi ranar Litinin 22 ga watan Afrilu. Manufar taron ita ce ƙarfafa haɗin gwiwa don yaƙi da ta'addanci a ƙasashen Afirka tare da sake fasalin yadda duniya ke kallon ta'addanci a Afirka, da kuma lalubo sabbin hanyoyin magance matsalar a faɗin nahiyar. Ana sa ran shugabannin gwamnatoci da manyan jami'an gwamnatocin ƙasashen Afirka, da wakilan ƙungiyoyin duniya da cibiyoyi, da jami'an diplomasiyya da ƙungiyoyin fararen hula za su halarci taron. Sanarwar ta ƙara da cewa ana sa ran mataimakiyar babban sakataren Majalisar Dinkin Duniya, Amina Mohammed za ta halarci taron. ''Mai bai wa shugaban Najeriya shawara kan harkokin tsaro Malla
Read more

Yadda wani almajiri ya fille wa ɗan shekara shida kai a Kano

-
Image
    Copyright: Other Rundunar ‘yan sanda a jihar Kano ta fara gudanar da bincike kan al’amarin da ya biyo bayan zargin fille kan wani karamin yaro ɗan shekara shida da wani almajiri ya yi a kauyen Kanwa da ke karamar hukumar Madobi. Rahotanni dai sun nuna cewa almajirin mai shekaru 22 ya kashe yaron ne a kusa da wata makarantar firamare kafin ya cire kansa. Kwamishinan 'yan sandan jihar, CP Usaini Gumel ya shaida wa BBC cewa almajirin bayan ya yanke wa yaron kai ya jefa da kan a cikin wani masai. "A jiya ne aka wayi gari da wannan labari da ke cewa wasu masu ruwa da tsaki suka lura da cewa sun ga wani yaro a wannan ƙauye da wuƙa wanda suka ga alamun jini a jikin wuƙar kamar jinin ɗan Adam ne, Hakan ne ya sa suka zarge abin da ya sa 'yan unguwa suka cafke shi, suka tasa shi gaba, sai suka ga gangar jikin mutum inda ya amsa shi ne ya kashe shi. Bayan da ƴan sanda suka je, shi ne ya ja su ya kai su inda ya wurgar da kan, inda suka ga kan yaron." In ji kwamishinan 'ya
Read more