Mun yi maganin masu bai wa ƴan bindiga bayanai-Gwamna Dikko Radda

-
DIKKO RADDA

ASALIN HOTON,DIKKO RADDA/FACEBOOK

Gwamnan jihar Katsina ya yi kira ga jama’ar jihar su tallafawa jami’an tsaro wajen yaƙi da ƴan bindiga da suka addabi sassan jihar.

Gwamnan Umaru Dikko Radda ya ce akwai buƙatar mutane, musamman matasa su haɗa kansu domin tallafawa jami’an tsaro wajen aikin kawar da matsalar tsaron.

A hirar sa da BBC, gwamnan ya kuma musanta rahotannin da ke cewa gwamnatinsa ta gaza kare rayuka da dukiyoyin al’umma yayin da ƴan bindiga ke cigaba da kai hare hare a wasu yankunan jihar.

Gwamnan ya ce tun bayan da ya karɓi mulki, gwamnatinsa ta samu nasara sosai a yakin da take yi da ƴan bindiga, ciki har da kafuwar rundunar tsaro ta musaman wadda a cewarsa ta taimaka wajan dakile hare haren yan bindigar.

Ya ce: "Mutumin Jibia da mutumin Batsari da na Kankara da na Danmusa da na Sabuwa da na Faskari da na Dandume sun san cewa an samu sauƙi a matsalar tsaron da muke fuskanta a jihar Katsina’’

Ya yi bayanin cewa sabbin dabarun da gwamnati ta ɓullo da su sun taimaka sosai wajen kawar da masu bai wa ƴan bindigar bayanan sirri, waɗanda da ma can masana a fannin tsaro ke cewa su ne babbar illa a yaƙi da masu garkuwa da mutane.

"Yanzu irin waɗannan informants ɗin da ke zuwa suna basu labarin in za su shigo su tai gidan wane ko wane an yi maganin su. Yanzu sai dai su shigo a kurumce su kwashe wanda za su kwasa kawai don a san suna nan’’

Gwamnan ya ce an kama mutane da dama masu bayar da bayanan sirri ga ƴan bindigar kuma bincike ya tabbatar cewa suna da hannu dumu-dumu a wannan ɗanyen aiki.

Dangane da tsadar rayuwa da ake fama da ita a Najeriya kuwa, gwamna Radda ya ce gwamnatinsa ta yi taron masu ruwa da tsaki, kuma za ta fitar da hanyoyin kawo sauki ga al’ummar jihar nan ba da jimawa ba.

Comments

Post a Comment

Popular posts from this blog

An ga watan Azumin Ramadan a Saudiyya

-
Image
Kasar Saudiyya ta bayar da sanarwar ganin watan Azumin Ramadana. Shafin X na Masallatan Harami biyu masu daraja ne ya bayyana hakan a wani sako da ya wallafa. Ganin watan ya sa gobe Litinin za ta zama 1 ga watan Ramadan na shekarar 1445, wanda ya zo daidai da 11 ga watan Maris ɗin 2024. Hukumar Masallatan ta sanar da cewa a daren yau ne za a fara gabatar da Sallar Asham, inda Sheikh Sudais da Sheikh Badr Al Turki da kuma Al Waleed Al Shamsaan za su jagorance ta a Masallacin Harami na Makkah, yayin da Sheikh Muhammad Barhaji da Abdul Muhsin Al Qasim za su jagoranci sallar a Masallacin Manzon Allah SAW na Madina.
Read more

Tinubu zai jagoranci taron yaƙi da ta'addanci na Afirka a Abuja

-
Image
Shugaban Najeriya Bola Tinubu zai buɗe  taron yaƙi da ta'addanci na Afirka da za a gudanar a Abuja fadar gwamnatin ƙasar. Cikin wata sanarwa da mai magana da yawun shugaban na Najeriya, Ajuri Ngelale ya fitar, ya ce taron - wanda Najeriya da haɗin gwiwar ofishin yaƙi da ta'addanci na Majalisar Dinkin Duniya suka shirya - za a fara shi ranar Litinin 22 ga watan Afrilu. Manufar taron ita ce ƙarfafa haɗin gwiwa don yaƙi da ta'addanci a ƙasashen Afirka tare da sake fasalin yadda duniya ke kallon ta'addanci a Afirka, da kuma lalubo sabbin hanyoyin magance matsalar a faɗin nahiyar. Ana sa ran shugabannin gwamnatoci da manyan jami'an gwamnatocin ƙasashen Afirka, da wakilan ƙungiyoyin duniya da cibiyoyi, da jami'an diplomasiyya da ƙungiyoyin fararen hula za su halarci taron. Sanarwar ta ƙara da cewa ana sa ran mataimakiyar babban sakataren Majalisar Dinkin Duniya, Amina Mohammed za ta halarci taron. ''Mai bai wa shugaban Najeriya shawara kan harkokin tsaro Malla...
Read more

Yadda wani almajiri ya fille wa ɗan shekara shida kai a Kano

-
Image
    Copyright: Other Rundunar ‘yan sanda a jihar Kano ta fara gudanar da bincike kan al’amarin da ya biyo bayan zargin fille kan wani karamin yaro ɗan shekara shida da wani almajiri ya yi a kauyen Kanwa da ke karamar hukumar Madobi. Rahotanni dai sun nuna cewa almajirin mai shekaru 22 ya kashe yaron ne a kusa da wata makarantar firamare kafin ya cire kansa. Kwamishinan 'yan sandan jihar, CP Usaini Gumel ya shaida wa BBC cewa almajirin bayan ya yanke wa yaron kai ya jefa da kan a cikin wani masai. "A jiya ne aka wayi gari da wannan labari da ke cewa wasu masu ruwa da tsaki suka lura da cewa sun ga wani yaro a wannan ƙauye da wuƙa wanda suka ga alamun jini a jikin wuƙar kamar jinin ɗan Adam ne, Hakan ne ya sa suka zarge abin da ya sa 'yan unguwa suka cafke shi, suka tasa shi gaba, sai suka ga gangar jikin mutum inda ya amsa shi ne ya kashe shi. Bayan da ƴan sanda suka je, shi ne ya ja su ya kai su inda ya wurgar da kan, inda suka ga kan yaron." In ji kwamishinan 'ya...
Read more