Matsalar hare-haren ƴan bindiga ta ɗauki sabon salo a jihar Zamfara

-


.

ASALIN HOTON,OTHERS

A Najeriya, hare-haren da ƴan bindiga ke kaiwa garuruwa da ƙauyuka a jihar Zamfara ya ɗauki sabon salo, sakamakon yadda suka fara mayar da hankali ga yi wa matan aure fyaɗe a gidajen mazajensu da aikata kisan gilla, da dai sauran ayyukan ta'asa a garin Kalgon Ƙunci na yankin karamar hukumar Tsafe.

Lamarin ya sa kashi kimanin saba'in cikin ɗari na jama’ar garin sun tsare zuwa wasu wurare.

Yayin da jama'a suka sabunta kyakkyawan fatan samun saukin matsalar tsaro, bayan ƙaddamar da rundunar kare fararen hula a jihar Zamfara, ƴan bindiga sun sauya wa gyambo kafa, a garin Kuncin Kalgo na yammacin yankin karamar hukumar Tsafe. Kamar yadda wani mutumin garin da ya bukaci a sakaya sunansa, ya shaida wa BBC:

‘‘A da dai za su shigo cikin garin mu, su wulaƙanta mu, su saci dabbobi, su yi garkuwa da mutane. To yanzu da ranar Allah za su shigo garin mu, kuma ba su fita sai ƙarfe sha biyu da dare, da makaman su tunda mutum ɗaya za ka ga ya rungume bindiga biyu ya rataya, da khaki. Wallahi an kai matakin da za su shiga duk gidan da suke so, su yi amfani da matan gidan, su fita kuma duk macen da ta ƙi biyayya ga buƙatar su sai su tafi da ita daji su yi yadda suke so, kwana biyu, kwana uku, kwana huɗu, sannan su dawo da ita’’

Mutumin na garin Kuncin Kalgo ya ce, munin al'amarin bai tsaya a nan ba: ‘‘Sama da shekara 10 da ta wuce ba mu da ɗan sanda guda 1 a cikin Kuncin Kalgo, shiyasa suke mana wulakanci. Mu dai waɗannan mutane ƙarƙashin su muke, su ke mulkin mu. Da kaka mutanen nan suka zo suka ce mu haɗa masu kuɗi naira miliyan 15, kan za su bari mu cire abin da muka noma. Sai da aka bi gida-gida aka haɗa wannan kuɗi aka kai wa mutanen nan, amma bayan kwana uku da basu kuɗin sai suka ce bamu isa mu cire amfanin gonar ba, suka sa wuta suka ƙona shi.’’

Jama’ar kunchin Kalgo sun ce sun koka ga hukumomin duk da suka kamata, amma har yanzu ba su sami dauki ba. Wannan ne ya ma tilasta wa mafi yawancinsu yin gudun hijira, a cewar mutumin garin:

‘‘Duk mutanen da suke da wani waje da za su tafi sun kwashe kayan su sun tafi. Kullum mutanen suna barin kunchin Kalgo ne’’

Gwamnatin jihar Zamfara dai tana sane da wannan ƙunci da jama'ar garin Kuncin Kalgo ke ciki, kuma ta ce tana bin matakin da ya kamata don magance matsalar, in ji Sulaiman Bala Idris, mai magana da yawun gwamnan jihar:

‘‘To wannan abu da ke faruwa, abu ne abin takaici kuma gwamnati na nan tana ɗaukar matakan da suka dace domin kawo ƙarshen lamarin. Ba ma nan kaɗai ba, muna bada tabbacin za a kawo ƙarshen wannan lamari da yardar Allah.

Dangane da wannan alwashi dai yanzu haka dai jama'ar garin na Kuncin Kalgo suna nan sun zura ido su gani a kas nan ba da daɗewa ba.

Comments

Post a Comment

Popular posts from this blog

An ga watan Azumin Ramadan a Saudiyya

-
Image
Kasar Saudiyya ta bayar da sanarwar ganin watan Azumin Ramadana. Shafin X na Masallatan Harami biyu masu daraja ne ya bayyana hakan a wani sako da ya wallafa. Ganin watan ya sa gobe Litinin za ta zama 1 ga watan Ramadan na shekarar 1445, wanda ya zo daidai da 11 ga watan Maris ɗin 2024. Hukumar Masallatan ta sanar da cewa a daren yau ne za a fara gabatar da Sallar Asham, inda Sheikh Sudais da Sheikh Badr Al Turki da kuma Al Waleed Al Shamsaan za su jagorance ta a Masallacin Harami na Makkah, yayin da Sheikh Muhammad Barhaji da Abdul Muhsin Al Qasim za su jagoranci sallar a Masallacin Manzon Allah SAW na Madina.
Read more

Tinubu zai jagoranci taron yaƙi da ta'addanci na Afirka a Abuja

-
Image
Shugaban Najeriya Bola Tinubu zai buɗe  taron yaƙi da ta'addanci na Afirka da za a gudanar a Abuja fadar gwamnatin ƙasar. Cikin wata sanarwa da mai magana da yawun shugaban na Najeriya, Ajuri Ngelale ya fitar, ya ce taron - wanda Najeriya da haɗin gwiwar ofishin yaƙi da ta'addanci na Majalisar Dinkin Duniya suka shirya - za a fara shi ranar Litinin 22 ga watan Afrilu. Manufar taron ita ce ƙarfafa haɗin gwiwa don yaƙi da ta'addanci a ƙasashen Afirka tare da sake fasalin yadda duniya ke kallon ta'addanci a Afirka, da kuma lalubo sabbin hanyoyin magance matsalar a faɗin nahiyar. Ana sa ran shugabannin gwamnatoci da manyan jami'an gwamnatocin ƙasashen Afirka, da wakilan ƙungiyoyin duniya da cibiyoyi, da jami'an diplomasiyya da ƙungiyoyin fararen hula za su halarci taron. Sanarwar ta ƙara da cewa ana sa ran mataimakiyar babban sakataren Majalisar Dinkin Duniya, Amina Mohammed za ta halarci taron. ''Mai bai wa shugaban Najeriya shawara kan harkokin tsaro Malla...
Read more

Yadda wani almajiri ya fille wa ɗan shekara shida kai a Kano

-
Image
    Copyright: Other Rundunar ‘yan sanda a jihar Kano ta fara gudanar da bincike kan al’amarin da ya biyo bayan zargin fille kan wani karamin yaro ɗan shekara shida da wani almajiri ya yi a kauyen Kanwa da ke karamar hukumar Madobi. Rahotanni dai sun nuna cewa almajirin mai shekaru 22 ya kashe yaron ne a kusa da wata makarantar firamare kafin ya cire kansa. Kwamishinan 'yan sandan jihar, CP Usaini Gumel ya shaida wa BBC cewa almajirin bayan ya yanke wa yaron kai ya jefa da kan a cikin wani masai. "A jiya ne aka wayi gari da wannan labari da ke cewa wasu masu ruwa da tsaki suka lura da cewa sun ga wani yaro a wannan ƙauye da wuƙa wanda suka ga alamun jini a jikin wuƙar kamar jinin ɗan Adam ne, Hakan ne ya sa suka zarge abin da ya sa 'yan unguwa suka cafke shi, suka tasa shi gaba, sai suka ga gangar jikin mutum inda ya amsa shi ne ya kashe shi. Bayan da ƴan sanda suka je, shi ne ya ja su ya kai su inda ya wurgar da kan, inda suka ga kan yaron." In ji kwamishinan 'ya...
Read more