Barcelona ta sake yin tuntuɓe a La Liga

-



Barcelona ta kasa cin gajiyar sakamakon sauran wsasannin da suka gudana a gasar La Liga bayan da ta yi canjaras 0-0 da Athletic Bilbao wanda hakan ke nufin ta ci gaba da kasancewa a matsayi na uku a kan teburi.

Yayin da Girona da ke matsayi na biyu ta sha kashi a hannun Mallorca, Barcelona ta samu damar ɗarewa kanta a teburi idan ta yi nasara, amma Bilbao ta tabbatar da hakan bai faru ba.

Yayin da Barcelona ke shirin fafatawa da Napoli a wasan zagaye na biyu na gasar cin kofin zakarun Turai ranar 12 ga Maris, kocin Barcelona Xavi ya shiga tsaka-mai-wuya yayinda Frenkie de Jong da Pedri suka bar filin wasa da raunuka.

Sakamakon wasan dai ba yi wa kowanne ɓangare daɗi ba inda Barcelona ta maƙale a matsayi na uku da tazarar maki takwas tsakaninta da Real Madrid.

Ita kuma Athletic Bilbao da ke matsayi na biyar ta ƙara samun koma baya a yaƙin neman matsayi na huɗu a teburin gasar inda ta samu kanta da tazarar maki biyar tsakaninta da Atletico Madrid wadda ta doke Real Betis da ci 2-1.

Comments

Post a Comment

Popular posts from this blog

An ga watan Azumin Ramadan a Saudiyya

-
Image
Kasar Saudiyya ta bayar da sanarwar ganin watan Azumin Ramadana. Shafin X na Masallatan Harami biyu masu daraja ne ya bayyana hakan a wani sako da ya wallafa. Ganin watan ya sa gobe Litinin za ta zama 1 ga watan Ramadan na shekarar 1445, wanda ya zo daidai da 11 ga watan Maris ɗin 2024. Hukumar Masallatan ta sanar da cewa a daren yau ne za a fara gabatar da Sallar Asham, inda Sheikh Sudais da Sheikh Badr Al Turki da kuma Al Waleed Al Shamsaan za su jagorance ta a Masallacin Harami na Makkah, yayin da Sheikh Muhammad Barhaji da Abdul Muhsin Al Qasim za su jagoranci sallar a Masallacin Manzon Allah SAW na Madina.
Read more

Tinubu zai jagoranci taron yaƙi da ta'addanci na Afirka a Abuja

-
Image
Shugaban Najeriya Bola Tinubu zai buɗe  taron yaƙi da ta'addanci na Afirka da za a gudanar a Abuja fadar gwamnatin ƙasar. Cikin wata sanarwa da mai magana da yawun shugaban na Najeriya, Ajuri Ngelale ya fitar, ya ce taron - wanda Najeriya da haɗin gwiwar ofishin yaƙi da ta'addanci na Majalisar Dinkin Duniya suka shirya - za a fara shi ranar Litinin 22 ga watan Afrilu. Manufar taron ita ce ƙarfafa haɗin gwiwa don yaƙi da ta'addanci a ƙasashen Afirka tare da sake fasalin yadda duniya ke kallon ta'addanci a Afirka, da kuma lalubo sabbin hanyoyin magance matsalar a faɗin nahiyar. Ana sa ran shugabannin gwamnatoci da manyan jami'an gwamnatocin ƙasashen Afirka, da wakilan ƙungiyoyin duniya da cibiyoyi, da jami'an diplomasiyya da ƙungiyoyin fararen hula za su halarci taron. Sanarwar ta ƙara da cewa ana sa ran mataimakiyar babban sakataren Majalisar Dinkin Duniya, Amina Mohammed za ta halarci taron. ''Mai bai wa shugaban Najeriya shawara kan harkokin tsaro Malla...
Read more

Yadda wani almajiri ya fille wa ɗan shekara shida kai a Kano

-
Image
    Copyright: Other Rundunar ‘yan sanda a jihar Kano ta fara gudanar da bincike kan al’amarin da ya biyo bayan zargin fille kan wani karamin yaro ɗan shekara shida da wani almajiri ya yi a kauyen Kanwa da ke karamar hukumar Madobi. Rahotanni dai sun nuna cewa almajirin mai shekaru 22 ya kashe yaron ne a kusa da wata makarantar firamare kafin ya cire kansa. Kwamishinan 'yan sandan jihar, CP Usaini Gumel ya shaida wa BBC cewa almajirin bayan ya yanke wa yaron kai ya jefa da kan a cikin wani masai. "A jiya ne aka wayi gari da wannan labari da ke cewa wasu masu ruwa da tsaki suka lura da cewa sun ga wani yaro a wannan ƙauye da wuƙa wanda suka ga alamun jini a jikin wuƙar kamar jinin ɗan Adam ne, Hakan ne ya sa suka zarge abin da ya sa 'yan unguwa suka cafke shi, suka tasa shi gaba, sai suka ga gangar jikin mutum inda ya amsa shi ne ya kashe shi. Bayan da ƴan sanda suka je, shi ne ya ja su ya kai su inda ya wurgar da kan, inda suka ga kan yaron." In ji kwamishinan 'ya...
Read more