Ba gudu ba ja da baya a sauye-sauyen da za mu kawo – Tinubu

-


...
Copyright: BOLA TINUBU/FACEBOOK

Shugaban Najeriya, Bola Tinubu ya jaddada ƙudurin gwamnatinsa na ganin an aiwatar da sauye-sauyen tattalin arziki a ƙasar duk da ƙalubalen da mutane da dama ke fuskanta.

Shugaban ya kare sauye-sauyen gwamnatinsa, yana mai cewa babu gudu babu ja da baya.

A yayin ganawarsa da wata tawaga daga ƙungiyar kasuwanci ta CCA ƙarkashin jagorancin shugabarta Florizelle Liser, shugaba Tinubu ya jaddada aniyarsa ta ganin ya cimma burinsa na bunƙasa tattalin arzikin Najeriya da kuma kawo kwanciyar hankali a ƙasar.

A yayin rantsar da shi ne Tinubu ya bayyana cire tallafin man fetur wanda ya kai ga hauhawar farashin man fetur da sauran wasu sauye-sauye da suka janyo darajar kudin ƙasar naira ta yi hasarar darajarta.

Waɗannan sauye-sauyen dai sun haifar da tsadar rayuwa a Najeriya irin wadda ba a taɓa ganin irinta ba abin da ya haddasa zanga-zangar tsadar rayuwa a faɗin ƙasar da yajin aiki da dai sauransu.

Amma duk da waɗannan ƙalubale da kuma abubuwan da ke faruwa, Tinubu ya ce ba zai ja da baya ba.

“Na yi farin ciki da cewa ƙungiyar CCA na sha’awar sassa daban-daban na tattalin arzikin Najeriya. Muna cikin tsaka mai wuya da fuskantar ƙalubale na sake fasalinmu. Muna da fata, babu shakka, amma ba za mu koma ba,” in ji Tinubu ta bakin mai magana da yawunsa Ajuri Ngelale.

"Muna fuskantar ƙalubale, kuma mun yi imanin za mu shawo kan waɗannan ƙalubalen. Ina da hali na 'zan iya cimma wani abu' wanda dole ne a fassara shi zuwa halin wajibi na cimma abin da nake so'. Muna da tawaga mai kyau da kuma tasiri, kuma dole ne mu ci gaba da mai da hankali don cimma burin da aka sa a gaba,” in ji shugaban Najeriyar.

Tinubu ya sha yin kira ga al'ummar ƙasar da su yi hakuri domin a bar sauye-sauyen nasa su yi tasiri, yana mai cewa za su taimaka wajen jawo jarin ƙasashen waje, amma matakan nasa na ci wa ‘yan Najeriya tuwo a ƙwarya.

Tinubu ya kuma yaba da nasarar da aka samu a kwanan baya na samar da wayar ƙarƙashin teku mai tsawon kilomita 45,000 da ta kawo intanet a jihar Akwa Ibom, wanda zai haɗa yankin Kudu-maso-Kudancin Najeriya da Turai da sauran sassan Afirka.

Shugaba Tinubu ya bayyana muhimmancin wannan nasarar, inda ya bayyana cewa idan aka samar da ingantattun manufofi da haɗin gwiwa da azama, Najeriya za ta iya shawo kan matsalolin da ta daɗe tana fuskanta.

Ya tabbatar da ƙudurinsa na samar da yanayi mai ba da damar kasuwanci don bunƙasa, tare da mai da hankali kan saka hannun jari a muhimman sassa kamar su noma da makamashi da lafiya da fasaha.

“Za mu ƙara kaimi kan harkar tsaro da saka hannun jari a fannin ilimi, domin mun yi imanin cewa ilimi shi ne babban makamin yaƙi da talauci. Muna maraba da abokan hulɗa kamar CCA, kuma za mu ƙarfafa haɗin gwiwarmu don cimma burinmu,” inji shugaban.

A nata martanin, CCA ta bayyana ƙudurinta na tallafawa ci gaban tattalin arzikin Najeriya ta hanyoyin da gwamnatin shugaba Tinubu ta ba da fifiko.

Comments

Post a Comment

Popular posts from this blog

An ga watan Azumin Ramadan a Saudiyya

-
Image
Kasar Saudiyya ta bayar da sanarwar ganin watan Azumin Ramadana. Shafin X na Masallatan Harami biyu masu daraja ne ya bayyana hakan a wani sako da ya wallafa. Ganin watan ya sa gobe Litinin za ta zama 1 ga watan Ramadan na shekarar 1445, wanda ya zo daidai da 11 ga watan Maris ɗin 2024. Hukumar Masallatan ta sanar da cewa a daren yau ne za a fara gabatar da Sallar Asham, inda Sheikh Sudais da Sheikh Badr Al Turki da kuma Al Waleed Al Shamsaan za su jagorance ta a Masallacin Harami na Makkah, yayin da Sheikh Muhammad Barhaji da Abdul Muhsin Al Qasim za su jagoranci sallar a Masallacin Manzon Allah SAW na Madina.
Read more

Tinubu zai jagoranci taron yaƙi da ta'addanci na Afirka a Abuja

-
Image
Shugaban Najeriya Bola Tinubu zai buɗe  taron yaƙi da ta'addanci na Afirka da za a gudanar a Abuja fadar gwamnatin ƙasar. Cikin wata sanarwa da mai magana da yawun shugaban na Najeriya, Ajuri Ngelale ya fitar, ya ce taron - wanda Najeriya da haɗin gwiwar ofishin yaƙi da ta'addanci na Majalisar Dinkin Duniya suka shirya - za a fara shi ranar Litinin 22 ga watan Afrilu. Manufar taron ita ce ƙarfafa haɗin gwiwa don yaƙi da ta'addanci a ƙasashen Afirka tare da sake fasalin yadda duniya ke kallon ta'addanci a Afirka, da kuma lalubo sabbin hanyoyin magance matsalar a faɗin nahiyar. Ana sa ran shugabannin gwamnatoci da manyan jami'an gwamnatocin ƙasashen Afirka, da wakilan ƙungiyoyin duniya da cibiyoyi, da jami'an diplomasiyya da ƙungiyoyin fararen hula za su halarci taron. Sanarwar ta ƙara da cewa ana sa ran mataimakiyar babban sakataren Majalisar Dinkin Duniya, Amina Mohammed za ta halarci taron. ''Mai bai wa shugaban Najeriya shawara kan harkokin tsaro Malla
Read more

Yadda wani almajiri ya fille wa ɗan shekara shida kai a Kano

-
Image
    Copyright: Other Rundunar ‘yan sanda a jihar Kano ta fara gudanar da bincike kan al’amarin da ya biyo bayan zargin fille kan wani karamin yaro ɗan shekara shida da wani almajiri ya yi a kauyen Kanwa da ke karamar hukumar Madobi. Rahotanni dai sun nuna cewa almajirin mai shekaru 22 ya kashe yaron ne a kusa da wata makarantar firamare kafin ya cire kansa. Kwamishinan 'yan sandan jihar, CP Usaini Gumel ya shaida wa BBC cewa almajirin bayan ya yanke wa yaron kai ya jefa da kan a cikin wani masai. "A jiya ne aka wayi gari da wannan labari da ke cewa wasu masu ruwa da tsaki suka lura da cewa sun ga wani yaro a wannan ƙauye da wuƙa wanda suka ga alamun jini a jikin wuƙar kamar jinin ɗan Adam ne, Hakan ne ya sa suka zarge abin da ya sa 'yan unguwa suka cafke shi, suka tasa shi gaba, sai suka ga gangar jikin mutum inda ya amsa shi ne ya kashe shi. Bayan da ƴan sanda suka je, shi ne ya ja su ya kai su inda ya wurgar da kan, inda suka ga kan yaron." In ji kwamishinan 'ya
Read more