Matakai takwas da za ku bi don sayen shinkafar kwastam mai rahusa

1. • 

     

     Facebook/Nigeria CustomeCopyright: Facebook/Nigeria Custome

     Hukumar hana fasa kwauri ta Najeriya kwastom ta fara sayar da shinkafa kan farashin mga 'yan kasar.

     Matakin na daga cikin ayyukan rage radadin tattalin arzikin da 'yan NAjeriya ke fuskanta

     Mai magana da yawun hukumar Abdullahi Maiwada ya shaida wa BBC cewa shinkafar da hukumar ke sayarwa, shinkafa ce da jami'an hukumar suka kama a lokacin da aka shigar da ita kasar ba bisa ka'ida ba.

     Ya ce hukumar ta kai shinkafar kotu inda suka samu sahalewar kotu domin sayar da ita ga talakawan kasar.

     Abdullahi Maiwada ya ce an fara sayar da sayar da shinfara ne a yau Juma'a a jihar Legas, a matsayin gwaji kafin daga baya hukumar ta fadada aikin zuwa sauran jihohin kasar da take da irin wadannan kaya da ta kama.

     Kakakin hukumar ya ce suna sayar da buhu mai nauyin kilogiram 25 na shinkafar a kan kudi naira 10,000.

     Matakan da hukumar ke bi wajen sayar da shinkafar

     Abdullahi Maiwada ya ce hukumar na bin wasu matakai na tantancewa kafin ta sayar da shinkafar ga al'umma kamar haka.

     • Amfani da NIN - Ya ce hukumar na amfani da lambar da ke jikin katin dan kasa ta NIN wajen tantance mutanen da take sayar wa shinkafar, don haka dole sai wanda ke da lambar NIN zai samu damar sayenta.

     • Mutanen da ke kusa da inda hukumar ta kama kaya- Abdullahi Maiwada ya ce hukumar na sayar da shinkafar ne kawai ga mutanen da ke kusa da inda ta kama shinkafar, ''don haka duk mutmin da ya zo daga nesa ba zai samu sayen shinkfara ba'', in ji shi.

     • Masu sana'ar hannu - Kakakin hukumar Kwastam din ya ce daga cikin rukunin mutanen da hukumar ke sayar wa shinkafar su ne masu sana'ar hannu. Ya ce an yi hakan ne domin tallafa musu wajen bunkasa sana'o'insu.

     • Malaman makaranta - Hukumar ta ce malaman makaranta na daga cikin rukunin mutanen da za su amfana da sayen da sayen shinkafar da hukumar kwastam ke sayarwa.

     • Masu sharar titi - Abdullahi Maiwada ya kara da cewa su ma mutanen da ke sharar titi na daga cikin rukunin mutae da hukumar ba domin sayar musu da shinkafar.

     • Mutanen da suka fi tsananin bukata - Kakakin hukumar ya shaida wa BBC cewa dama makasudin sayar da shinkafar shi ne rage wa al'immar radadin tsadar rayuwa da ';yan kasar ke fuskanta, don haka ya ce suka fi bayar da fifiko kan mutanen da ke cikin tsananin bukata.

     • Mata - Wasu rukunin mutanen da za su amfana da shinkafar kwastam din mai cike da rahusa su ne mata, musamman marasa karfi, wadanda ke rike da kananan yara.

     • Kungiyoyin addini - Kungiyoyin addini na daga cikin al'umomin da za su amfana da wannan sayar da shinkafa da hukumar kwastam ke yi, kamar yadda hukumar ta wallafa a shafinta na Facebook.

     Hukumar ta kuma gargadi 'yan kasar da ke da aniyar sayar da shinkafar ga 'yan kasuwa, da su guji yin hakan.

     Abdullahi Maiwada ya ce duk wanda ya yi haka zai fuskanci fushin hukumar, sannan kuma ya ce hukumar za rika sanya idanu a kasuwanni domin ganin ko 'yan kasuwa za su sayi shinkafar domin sayarwa.

     Article share tools

     • Share this post

       • Copy this link

       Karanta karin bayanai kan wannan mashigin
   • An wallafa a 17:0317:03

     Hotunan yadda hukumar kwastam ke sayar da shinkafa a farashi mai rahusa

     

     Hukumar Kwastam ta Najeriya ta kaddamar da sayar da kayan abincin da aka kama musamman shinkafa a farashi mai rahusa a jihar Legas.Hukumar ta ce ta yi hakan ne domin sauƙaƙa wa al'ummar Najeriya halin ƙunci da suke ciki.Copyright: Hukumar Kwastam ta Najeriya ta kaddamar da sayar da kayan abincin da aka kama musamman shinkafa a farashi mai rahusa a jihar Legas.Hukumar ta ce ta yi hakan ne domin sauƙaƙa wa al'ummar Najeriya halin ƙunci da suke ciki.

     

     Nigeria Customs ServiceCopyright: Nigeria Customs Service

     

     Nigeria Customs ServiceCopyright: Nigeria Customs Service

     

     Nigeria Customs ServiceCopyright: Nigeria Customs Service

     

     Nigeria Customs ServiceCopyright: Nigeria Customs Service

   • 
     

   • 
     

   • 
     

   • An wallafa a 16:4216:42

     Ƴan adawa a Senegal sun yi fatali da tayin shugaban ƙasar kan taron tsayar da ranar zaɓe

     Jam'iyyun adawa a Senegal sun yi fatali da shiga tattaunawar da shugaban ƙasar Macky Sall ya gabatar ta yin taron tsayar da sabuwar ranar zaɓen shugaban ƙasar bayan da ya sanar da ɗage zaɓen a farkon wannan wata.

     

     Da alama dai rikicin siyasar ƙasar Senegal bai kare ba bayan da ƴan takarar shugaban kasa 16 daga cikin 19 na adawa suka ce ba za su shiga tattaunawar ba, wadda aka shirya gudanarwa a farkon mako mai zuwa.

     Kungiyoyin farar hula da dama su ma sun yi fatali da batun tattaunawar.

     Wannan ya biyo bayan jawabin da shugaba Macky Sall ya yi ta talabijin a daren ranar Alhamis, inda ya yi alƙawarin yin murabus a ƙarshen wa'adinsa, ranar 2 ga Afrilun 2024, sai dai bai bayyana sabuwar ranar da za a gudanar da zaɓen ba.

     Mista Sall, wanda ke kan hanyarsa ta zuwa Abuja domin halartar wani babban taro na kungiyar ECOWAS, na fuskantar matsin lamba kan ya sanya sabuwar ranar zaɓe, tun bayan da majalisar ƙoli ta shari'a ta ƙasar ta bayyana ɗage zaɓen a matsayin haramtacce.

     Yunƙurin ɗage zaɓen ya samu kakkausar suka daga ƙasashen duniya, waɗanda ke kallon Senegal a matsayin ɗaya daga cikin ƙasashe masu tafiyar da mulkin dimokuradiyya kan tsari mai kyau, yankin da ake fama da juyin mulkin a yankin Yammacin Afirka