Hukumar EFCC na neman tsohon gwamnan jihar Kogi Yahaya Bello ruwa a jallo

-


Tsohon Gwamnan Jihar Kogi Yahaya Bello
Bayanan hoto,Tsohon Gwamnan Jihar Kogi Yahaya Bello

Ministan shari'ar Najeriya ya bayyana takaici kan yadda ya ce wasu 'yan siyasa ke kange kansu daga kamu bisa wasu laifuka da ake zargin sun aikata.

Chief Lateef Olasunkanmi Fagbemi (SAN) ya bayyana hakan ne biyo bayan kulli-kurciyar da aka yi tsakanin tsohon gwamnan jihar Kogi, Yahaya Bello da jami'an hukumar EFCC inda a 'karshe suka kasa damke shi sakamakon kange shi da ake zargin wani jami'in gwammnati ya yi.

Al'amarin ya sanya Minstan shari'a ya gargadi jami'an gwamnati wadanda dokar 'kasa ke karewa su guji kawo cikas a kokarin da ya cancanci yabo da hukumar EFCC ke yi.

Mai sharhi, Barrister Audu Bulama Bukarti ya bayyana cewar akwai bukatar wannan gargadi abu ne da ya zama wajibi. '' Ita hukumar EFCC, hukuma ce da dokar Najeriya ta kafa ta kuma ba ta ikon ta binciki wanda ake zargi da laifi kuma wanda ake zargi da laifin komai girmansa a 'kasar''.

Barrista Bulama ya kuma kara da cewa a dokokin Najeriya, kokarin kange wanda hukuma take nema babban laifi ne da doka ta tanadar wa da hukuncin zaman gidan kurkuku na shekara biyar ba tare da zabin tara ba.

Sannan za kuma a iya daure mutum kuma a ci tararsa idan har ya hana wata hukumar gwamnati ta yi bincike ko kuma ta kama wani da ake zargi ta hanyar kange shi ko boye shi ko kuma bayar da bayanan karya cewar ba ya guri bayan kuma yana gaurin.

Dacewar gargadin Ministan Shari'a

Awwal Musa Rafsanjani Shugaban Kungiyar Yaki da Cin Hanci da Karbar Rashawa ta Transparency International a Najeriya kuma darektan cibiyar CISLAC a kasar yana ganin wannan gargadi ya dace:

''In har za a yi wa wasu, wasu kuma ba za a yi musu ba, to akwai matsala, kamata ya yi a ce duk wadanda ake zargin sun yi irin wannan sace-sace ko rashin gaskiya to kar su kauce wa doka kar kuma su kauce wa binciken hukumar EFCC''.

Tun bayan da tsohon gwamnan jihar Kogin Yahaya Bello ya sauka daga mulki ake zargin yana samun kariya daga wanda ya gada daga kamun Hukumar EFCC.

Location: Nigeria

Comments

Post a Comment

Popular posts from this blog

An ga watan Azumin Ramadan a Saudiyya

-
Image
Kasar Saudiyya ta bayar da sanarwar ganin watan Azumin Ramadana. Shafin X na Masallatan Harami biyu masu daraja ne ya bayyana hakan a wani sako da ya wallafa. Ganin watan ya sa gobe Litinin za ta zama 1 ga watan Ramadan na shekarar 1445, wanda ya zo daidai da 11 ga watan Maris ɗin 2024. Hukumar Masallatan ta sanar da cewa a daren yau ne za a fara gabatar da Sallar Asham, inda Sheikh Sudais da Sheikh Badr Al Turki da kuma Al Waleed Al Shamsaan za su jagorance ta a Masallacin Harami na Makkah, yayin da Sheikh Muhammad Barhaji da Abdul Muhsin Al Qasim za su jagoranci sallar a Masallacin Manzon Allah SAW na Madina.
Read more

Tinubu zai jagoranci taron yaƙi da ta'addanci na Afirka a Abuja

-
Image
Shugaban Najeriya Bola Tinubu zai buɗe  taron yaƙi da ta'addanci na Afirka da za a gudanar a Abuja fadar gwamnatin ƙasar. Cikin wata sanarwa da mai magana da yawun shugaban na Najeriya, Ajuri Ngelale ya fitar, ya ce taron - wanda Najeriya da haɗin gwiwar ofishin yaƙi da ta'addanci na Majalisar Dinkin Duniya suka shirya - za a fara shi ranar Litinin 22 ga watan Afrilu. Manufar taron ita ce ƙarfafa haɗin gwiwa don yaƙi da ta'addanci a ƙasashen Afirka tare da sake fasalin yadda duniya ke kallon ta'addanci a Afirka, da kuma lalubo sabbin hanyoyin magance matsalar a faɗin nahiyar. Ana sa ran shugabannin gwamnatoci da manyan jami'an gwamnatocin ƙasashen Afirka, da wakilan ƙungiyoyin duniya da cibiyoyi, da jami'an diplomasiyya da ƙungiyoyin fararen hula za su halarci taron. Sanarwar ta ƙara da cewa ana sa ran mataimakiyar babban sakataren Majalisar Dinkin Duniya, Amina Mohammed za ta halarci taron. ''Mai bai wa shugaban Najeriya shawara kan harkokin tsaro Malla...
Read more

Yadda wani almajiri ya fille wa ɗan shekara shida kai a Kano

-
Image
    Copyright: Other Rundunar ‘yan sanda a jihar Kano ta fara gudanar da bincike kan al’amarin da ya biyo bayan zargin fille kan wani karamin yaro ɗan shekara shida da wani almajiri ya yi a kauyen Kanwa da ke karamar hukumar Madobi. Rahotanni dai sun nuna cewa almajirin mai shekaru 22 ya kashe yaron ne a kusa da wata makarantar firamare kafin ya cire kansa. Kwamishinan 'yan sandan jihar, CP Usaini Gumel ya shaida wa BBC cewa almajirin bayan ya yanke wa yaron kai ya jefa da kan a cikin wani masai. "A jiya ne aka wayi gari da wannan labari da ke cewa wasu masu ruwa da tsaki suka lura da cewa sun ga wani yaro a wannan ƙauye da wuƙa wanda suka ga alamun jini a jikin wuƙar kamar jinin ɗan Adam ne, Hakan ne ya sa suka zarge abin da ya sa 'yan unguwa suka cafke shi, suka tasa shi gaba, sai suka ga gangar jikin mutum inda ya amsa shi ne ya kashe shi. Bayan da ƴan sanda suka je, shi ne ya ja su ya kai su inda ya wurgar da kan, inda suka ga kan yaron." In ji kwamishinan 'ya...
Read more